Lita di vizepresidënc dla Union Generela di Ladins dla Dolomites
Elsa Zardini de Ampëz y Fernando Brunel de Fascia ie vizepresidënc
Tla ultima senteda dla Union Generela di Ladins dla Dolomites iel coche da Statut unì lità i doi vizepresidënc, che muessa vester dl’autra doi provinzies che no la presidënta Milva Mussner.
L ie nscila unì lità Elsa Zardini de Ampëz per i ladins dla provinzia de Belun y Fernando Brunel de Fascia per la provinzia de Trënt. Tramedoi porta ite na gran esperienza tl lëur per la cultura y rujeneda ladina.